Dərman vasitəsinin istifadəsi üzrə təlimat (xəstələr üçün)

 

 

REBASTAT         örtüklü tabletlər

REBASTAT

 

Beynəlxalq patentləşdirilməmiş adı: Rebamipid

 

Tərkibi

Təsiredici maddə:   1 tabletin tərkibində 100 mq rebamipid vardır.

Köməkçi maddələr: mikrokristallik sellüloza,  hidroksipropilsellüloza,  natrium kroskarmelloza, kolloidal

                                 silisium dioksidi, maqnezium stearat.

Örtük:                      hidroksipropilmetilsellüloza, polietilenqlikol 6000, titan dioksidi, talk tozu.

 

Təsviri

Ağ və ya ağımtıl rəngli, dairəvi, ikitərəfi qabarıq, bir tərəfində işarə, digər tərəfi yastı olan örtüklü tabletlərdir.

 

Farmakoterapevtik qrupu

Mədə və 12 barmaq bağırsağın xora xəstəliyi və QERX-nin müalicəsi üçün digər preparatlar.

ATC kodu: A02BX14.

 

Farmakoloji xüsusiyyətləri

Farmakodinamikası

Rebamipid mədənin selikli qişasında prostaqlandin E2-nin (PGE2), mədə şirəsinin tərkibində isə PGE2 və PGİ2-nin miqdarını artırır. Etanol, turşu və qələvilər, asetilsalisil turşusunun mümkün zədələyici təsiri zamanı mədənin selikli qişasına sitoprotektiv təsir göstərir. Yüksəkmolekulyar qlikoproteinlərin biosintezini sürətləndirən enzimlərin aktivasiyasına və mədənin selikli qişasının səthində selik miqdarının artmasına səbəb olur. Mədənin selikli qişasının qan dövranının yaxşılaşmasına səbəb olur, onun baryer funksiyasını aktivləşdirir, qələvi ifrazını aktivləşdirir, mədə hüceyrələrinin proliferasiya və mübadilə proseslərini qüvvətləndirir, selikli qişanı hidroksil radikallardan qoruyur, Helicobacter pylori ilə infeksiyalaşma hallarda polimorfnüvəli leykositlər və neytrofillərlə istehsal olunan superoksidləri tormozlayır, mədənin selikli qişasını bakteriyalar tərəfindən zədələnmədən qoruyur, QSİƏP qəbulu zamanı qastroprotektiv təsir göstərir.

Farmakokinetikası

Sorulması və paylanması

Daxilə qəbul zamanı absorbsiyası yüksəkdir. 100 mq dozada qəbulu zamanı qan plazmasında Cmax təxminən 2 saat ərzində toplanır və 340 nq/ml-ə çatır. İn vitro tədqiqatlarda preparatın 98,4-98,6%-nin plazma zülalları ilə birləşdiyi göstərilir.

Metabolizmi və xaric olması

600 mq dozada qəbulu zamanı hidroksilləşmiş metabolitin izləri aşkarlana bilər. T½ təxminən 1 saatdır. Preparatın təkrari qəbulları onun orqanizmdəki kumulyasiyasına səbəb olmur. Preparatın təxminən 10%-i böyrəklərlə, əsasən dəyişilməmiş şəkildə xaric olunur.

İstifadəsinə göstərişlər

-Mədə xorası.

-Kəskin qastrit və xronik qastritin kəskinləşmələri zamanı mədənin selikli qişasının zədələnmələrinin müalicəsi.

-Eroziv qastrit.

 

Əks göstərişlər

Preparatın tərkib komponentlərinə qarşı hiperhəssaslıq, 18 yaşadək uşaqlar.

 

Xüsusi göstərişlər və ehtiyat tədbirləri

Yaşlı pasiyentlərdə fizioloji olaraq preparata həssaslığın yüksək olma ehtimalına görə mədə-bağırsaq pozğunluqları riskini minimuma endirmək məqsədilə preparatın təyinatı ehtiyat tələb edir.

 

Digər dərman vasitələri ilə qarşılıqlı təsiri

Ribamipidin Helicobacter pylori-nin ənənəvi eradikasiya sxemlərinə əlavə olunması kompleks müalicənin effektivliyini yüksəldir. Digər dərman preparatları ilə qarşılıqlı əlaqə öyrənilməyib.

 

Hamiləlik və laktasiya dövründə istifadəsi

Preparat hamiləlik və ya güman olunan hamiləlik zamanı yalnız gözlənilən fayda potensial riskdən üstün tutulduğu halda təyin olunur (hamiləlik zamanı preparatın təhlükəsizliyi müəyyən olunmayıb)

Südverən qadınlara müalicə dövründə əmizdirməni dayandırması tövsiyə olunur (heyvanlar üzərində aparılan tədqiqatlar preparatın ana südünə keçdiyini sübut edir)

 

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri müşahidə olunmayıb.

 

İstifadə qaydası və dozası

Tabletlər bütöv şəkildə udulmalı, çeynənməməli və bölünməməlidir.

Böyüklər  1 tablet Rebastat daxilə gündə 3 dəfə olmaqla səhər, günorta və yatmaqdan əvvəl qəbul edir.

Əlavə təsirləri

Mədə - bağırsaq sisteminə: qəbizlik, meteorizm, ishal, ürəkbulanma, qusma, qarın nahiyəsində ağrı, dad hissiyyatının dəyişilməsi, qıcqırma.

Qaraciyərə: qaraciyər disfunksiyası əlamətləri, sarılıq. plazma ALT və AST-nin səviyyəsinin yüksəlməsi.

Qanyaranma sisteminə: leykopeniya, trombositopeniya, qranulositopeniya.

Allergik reaksiyalar: qaşınma, dəridə səpgilər, ekzematoz səpgilər.

Digər: aybaşı siklinin pozğunluğu.

 

Doza həddinin aşılması

Rebastat bilərəkdən doza aşılması əlamətləri haqda məlumat yoxdur. Ürəkbulanma, qusma, qarında ağrı, ishal və ya qəbizlik, başağrıları mümkündür.

Müalicəsi

Spesifik antidot yoxdur. Doza aşılması halında mədəni yumaq və simptomatik müalicə aparmaq tövsiyə olunur.

 

Buraxılış forması

10 tablet blisterdə. 1, 2 və ya 3 blister içlik vərəq ilə birlikdə karton qutuda qablaşdırılır.

 

Saxlanma şəraiti

30ºС temperaturdan yüksək olmayan, işıqdan qorumaqla və uşaqların əli çatmayan yerdə saxlamaq lazımdır.

 

Yararlılıq müddəti

2 il.

Yararlılıq müddəti bitdikdən sonra istifadə etmək olmaz.